Klingon

wa' Hol mu'mey puS je neH ghaj qo' Hoch. "Kedem"vo' ghoSDI' "Shinar" wo'Daq/puHDaq ngech lutu'pu' 'ej pa' yIn. 'ej ja'chuq <<naghmey DIchenmoHjaj 'ej qulDaq DItujmoHjaj>>.

'ej ja'chuq <<veng qach'a' je DIchenmoHjaj, 'ej chal SIch nachDaj. qo' HochDaq maghomHa'be'meH noyghach wISuqjaj.>>

'ej veng'e' qach'a''e' je chenmoHpu'bogh loDpu' leghmeH jotlh'egh joH'a'. 'ej ja' joH'a' <<wa' qorDu''a' wa' Hol je neH ghaj chaH Hoch, 'ej Dochvam luta'lI'! DaH pagh lunabbogh temlu'. jIjotlh'egh 'ej latlh Hol yajbe'meH wa' Holchaj vImISmoH.>>

'ej pa'vo' qo' HochDaq ghomHa'moH joH'a'; 'ej veng luchenmoH 'e' lumev. Dochvammo' pong Daqvetlh 'oH "Babel"'e', Hol qo' Hoch mISmoHmo' joH'a', 'ej pa'vo' qo' HochDaq ghomHa'moH joH'a'.

Translated by Mark E. Shoulson

Jeffrey.Henning.com

Free Web Surveys

This Scattered Tongues site belongs to Jeffrey Henning.
Next Page | Skip It | Next 5 | Prev | Random
Want to join? Stop by HQ, then!